قبل انتفارق سطرت لك يمـــــيني
آخــر رسالة حب اودعك فيــــــها
هذا قدرنا بالغلا صدقـــــينـــــي
الأيام ما تمشي على مانبـــــيها
ودعتك الله وإن قسيت اعذريني
وعيوبي اللي تعرفين أستريها
إن كان عذبتك معي سامحينـي
وإنسي ذنوبي الأولة وإغفريها
أبذكرك دايم وان رحلت أذكريني
وأبيات شعري عن غلاك أكتبيها
أبذكرك إنك كنتي أحلى سنيني
وأيامي الحلوة معاك إذكريــــها
هذا وداع أخير بينك وبينــــــي
يامن حياتي كلها في يديـــــها
هذي حروف سطرته يمينــــــي
قبل انتفارق قلت أودعك فيها
